भुक्तानी प्रणाली सञ्चालक फोन पे पेमेन्ट सर्भिसको प्रमुख व्यवसाय अधिकारी (चिफ बिजनेस अफिसर)मा सुमित दास नियुक्त भएका छन् । नवनियुक्त दासलाई बुधवार फोन पेका प्रमुख सञ्चालन अधिकृत सिद्धान्त ठकुरीले स्वागत गरेका हुन् । दास यसभन्दा अगाडि नेपालको कोकाकोलामा आबद्ध थिए । उनले कोकाकोलामा १२ वर्षभन्दा लामो समयसम्म एरिया सेल्स् म्यानेजर, कोल्ड ड्रिंस इक्युपमेन्ट म्यानेजर, रिजनल सेल्स् म्यानेजर, ट्रेड मार्केटिङ हेड लगायतको पद सम्हालेका थिए ।

फोन पेमा उनले बिजनेस डेभलपमेन्टका साथै मर्चेन्ट एक्टिभेसन लगायत बजार प्रवर्द्धन कार्य सम्हाल्ने छन् ।

डिजिटल नेपालको परिकल्पना गर्दै साढे दुई वर्षअघि स्थापना भएको फोन पेमा हाल करिब ६ लाख मर्चेन्ट रहेका छन् । बैंंक तथा वित्तीय संस्था एवं भुक्तानी सेवा प्रदायकका डेढ करोड बढि मोबाइल बैंकिङ प्रयोगकर्ताले फोन पेमार्फत कारोबार गरिरहेका छन् । फोनपे नेटवर्कमा हाल ६० वटा बैंक तथा वित्तीय संस्था तथा भुक्तानी प्रणाली सञ्चालक आवद्ध छन् ।

प्रकाशित समय : २३:१२ बजे