लगातार ओरालो यात्रामा रहेको सेयर बजार परिसूचक नेप्से मंगलबार पनि घटेको छ । आज नेप्से थप ४६.४६ अंकले घट्दै २४ सय ५२.०६ अंकमा झरेको हो । आज २ अर्ब ६७ करोड १२ लाख रुपैयाँ बराबरको कारोबार भएको छ ।

आज होटल तथा पर्यटन समूहको उपसूचकबाहेक अन्य सबै सूचक ऋणात्मक (नेगेटिभ) भएका छन् । नेपाल स्टक एक्सचेन्जका अनुसार आज यस समूहको उपसूचक ०.५ प्रतिशतले मात्र बढेको छ । अन्यमा सबैभन्दा बढी आदर्श समूहको सूचक आज अधिकतम ३.६६ प्रतिशतले घटेको छ भने निर्जीवन बिमा समूहको २.९१ प्रतिशतले र फाइनान्स समूहको २.७२ अंकले घटेको छ ।

यस्तै हाइड्रोपावर समूहको सूचक २.१ प्रतिशतले घटेको आज ट्रेड र बैंकिङ समूहको क्रमशः १.८६ प्रतिशत र १.१५ प्रतिशतले घटेको नेप्सेले जनाएको छ । मंगलबार दुई वटा लघुवित्त कम्पनी नेष्ठो र राष्ट्रिय उत्थानको सेयर मूल्यमा सर्किट लागेको छ भने इमर्जिङ नेपाल लिमिटेडको सेयर मूल्य १० प्रतिशतले नै गुमेको छ ।

यसअघि, साेमबार नेप्सेमा १४.८८ अंकको गिरावट आउँदा ३४ लाख २९ हजार कित्ता सेयर १ अर्ब ५८ करोड रुपैयाँ बराबरमा कारोबार भएको थियाे । आइतबार भने नेप्से ३०.८९ अंकले घटेकाे थियाे । त्यस दिन १ अर्ब ४६ करोड ७ लाख रुपैयाँ बराबरका ३२ लाख ५३ हजार ८१६ कित्ता सेयर २८ हजार ११३ पटक किनबेच भएका थिए ।

प्रकाशित समय : २१:३६ बजे