नेपालले पपुवा न्यु गिनी (पीएनजी)लाई त्रिकोणात्मक ट्वान्टी २० शृंखलाको पहिलो खेलमा १५ रनले पराजित गरेको छ । १ सय ८४ रनको लक्ष्य लिएर आएको पीएनजी ४ बल अगाडि १ सय ६८ रनमा अलआउट भयो ।

कप्तान सन्दीप लामिछाने र करण केसीले ३/३ विकेट लिए । सन्दीपले ४ ओभरमा २२ र करणले ४ ओभरमा ४४ रन खर्चे । अविनाश बोहराले ४ ओभरमा २९ रन खर्चेर २ विकेट लिए । सोमपाल कामीले ४ ओभरमा ४२ रन खर्चेर १ विकेट लिए ।

नोर्मान भानुआले पीएनजीबाट सर्वाधिक ५२ रन बनाए । उनले २९ बल खेल्दै ५ चौका र ४ छक्का प्रहार गरे । करणले १९ औं ओभरमा भानुआ र सिमोन अटाईलाई लगातर बलमा आउट गरी नेपाललाई खेलमा फर्काएका थिए । अन्तिम ओभरको तेस्रो बलमा सन्दीप र दीपेन्द्रसिंह ऐरी मिलेर एलेइ नाओलाई रनआउट गरी नेपाललाई विजय दिलाए ।

सेसे बाउ ३०, चार्ल्स अमिनी २२ र लेगा सिएका २१ रनमा आउट भएका थिए । कप्तान असाद भालाले ७ रनमात्र बनाउन सके ।

प्रकाशित समय : २२:३४ बजे