गृहपृष्ठ जोरपाटी-साँखु सडक पिच गर्न माग गर्दै थलीमा स्थानीयको अवरोध
जोरपाटी-साँखु सडक पिच गर्न माग गर्दै थलीमा स्थानीयको अवरोध
जोरपाटी-साँखु सडकखण्ड कालोपत्रे गर्न माग गर्दै थलीका बासिन्दाले सडक अवरुद्ध पारेका छन् । घाम लाग्दा धुलो र पानी पर्दा हिलोका कारण सास्ती खेप्दै आएका स्थानीयले सडक कालोपत्रे गर्न माग गर्दै आज बिहानैदेखि सडक अबरुद्ध पारेका हुन् ।
उनीहरुले सडकमा बाँसका भाटा तेर्स्याएर बसेका छन् । त्यसैले थली सडकखण्डमा सन्चालन हुने सबै सवारी साधनहरूलाई जोरपाटी-सुन्दरीजल हुँदै आउने-जाने व्यवस्था मिलाइएको छ ।
यसैगरि काठमाडौंका अन्य धेरै स्थानमा समेत खराब बाटोका कारण स्थानीय आन्दोलित बनेका छन् ।
चिबहाल र सुनाकोठीमा बाँसका भाटा तेर्स्याएर स्थानीयले सडक बन्द गराउँदा सवारी आवागमन प्रभावित भएको छ ।
ललितपुरको सातदोबाटो-चापागाउँ सडकखण्डमा पनि स्थानीयले यातायात अवागमन अवरुद्ध पारेका छन् ।
प्रकाशित समय : १६:२५ बजे
