आठौं सगरमाथा सिमेन्ट प्रधानमन्त्री कप आमन्त्रण महिला भलिबल प्रतियोगिता आजदेखि सुरु हुँदैछ । महिला भलिबलको सम्पूर्ण तयारी पूरा भएको पीएम कपका संस्थापक अध्यक्ष टीएस ठकुरीले बुधबार जानकारी गराए । नेपाल भलिबल संघको स्वीकृतिमा हुने प्रतियोगिता चैत १४ सम्म नेपालगन्ज रंगशालास्थित कभर्डहलमा चल्नेछ ।

सर्वाधिक धनराशि पुरस्कार रहेको प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्नेछन् ।

मूल आयोजक समिति संयोजक कृष्णा केसीले प्रधानमन्त्री कप भलिबललाई नेपालगन्जको पहिचानको रूपमा विकसित गर्ने प्रयास रहेको बताइन् । प्रतियोगितामा आयोजकसहित नेपालका शीर्ष चार र भारतका दुई टिमको सहभागिता रहनेछ ।

नकआउटका आधारमा हुने प्रतियोगितामा नेपाल पुलिस क्लब, त्रिभुवन आर्मी क्लब, न्यु डायमन्ड एकेडेमी, आयोजक लुम्बिनी युनाइटेड, भारतको छत्तीसगढ स्पोर्ट्स एकेडेमी ९महाराष्ट्र० र हरियाणा स्पोर्ट्स क्लब छन् ।

पहिलो दिन नेपाल पुलिसविरुद्ध आर्मी क्लब तथा न्यु डायमन्ड एकेडेमीविरुद्ध आयोजक टिम लुम्बिनी युनाइटेड भिड्नेछन् ।

प्रकाशित समय : १४:०२ बजे