साल्ट ट्रेडिङ कर्पोरेशन लिमिटेड (STC)ले ५५औँ वार्षिक साधारण सभा आह्वान गरेको छ । कर्पोरेशनको चैत ६ गते सम्पन्न सञ्चालक समितिको बैठकले चैत ३० गते बुधबार बिहान ११ बजे सभा बोलाउने निर्णय गरेको हो ।

सभाले गत आर्थिक वर्ष २०७७/७८ को मुनाफाबाट सेयरधनीहरुलाई प्रस्ताव गरेको हाल कायम चुक्ता पूँजीको १० प्रतिशत बोनस सेयर र बोनसको कर प्रयोजनका लागि छुट्याइएको ०/५० प्रतिशत नगद लाभांश अनुमोदन गर्नेछ । यस्तै सभामा आव २०७७/०७८ को वार्षिक प्रतिवेदन उपर छलफल गरी पारित गर्ने, गत आवको वासलात, नाफा नोक्सान हिसाब तथा नगद प्रवाह लगायतका वार्षिक वित्तीय विवरणहरु उपर छलफल गरी पारित गर्ने, आव २०७८/०७९ को लागि लेखापरीक्षक नियुक्त गरी निजको पारिश्रमिक निर्धारण गर्ने एजेण्डा छ ।

कर्पोरेशनले साधारण सभा प्रयोजनार्थ तथा लाभांश वितरणका लागि चैत १५ गते मंगलबारदेखि चैत ३० गतेसम्म सेयर दाखिल खारेजी (बुकक्लोज) गर्ने निर्णय गरेको छ । बुकक्लोज अनुसार चैत १४ गते सोमबारसम्म नेप्सेमा सेयर कारोबार भई कायम रहने सेयरधनीहरुले मात्र सभामा भाग लिन र प्रस्तावित लाभांश प्राप्त गर्न सक्नेछन् ।

प्रकाशित समय : २१:१६ बजे