सत्तारुढ जनता समाजवादी पार्टी (जसपा)को केन्द्रीय समितिको बैठक आज बस्दैछ। काठमाडौंको डिल्ली बजारस्थित एक पार्टी प्यालेसमा बिहान ११ बजे जसपाको केन्द्रीय समितिको बैठक बस्ने भएको हो।

बैठकमा स्थानीय तहको चुनाव र पार्टीको विधान अधिवेशनलगायत विषयमा छलफल हुने बताइएको छ । जसपा संघीय परिषदका अध्यक्ष डा. बाबुराम भट्टराईका अनुसार देशभरका एक हजार जना नेताहरूको उपस्थितिमा शनिबार सम्पन्न जसपाको प्रथम संघीय परिषद् बैठकले ‘समसामयिक राजनीति र जसपाको कार्यदिशा’ सर्वसम्मतिले पारित गरेको छ।

स्थानीय निर्वाचनमा होमिने निर्णयसँगै जसपाको वैचारिक र सांगठनिक एकता नयाँ उचाइँमा पुगेको दाबी उनले गरेका छन्।

प्रकाशित समय : १५:४७ बजे