प्रधानन्यायाधीश चोलेन्द्र शम्सेर राणासँग इजलासमा नबस्न सर्वाेच्च अदालतका न्यायाधीशहरु एकमत भएका छन् । गोलाप्रथाबाट पेशी व्यवस्थापन भएपछि पनि प्रधानन्यायाधीश राणा संलग्न इजलासमा सामेल नहुनेमा सर्वोच्चका न्यायाधीशहरू तयार भएका हुन् ।

बुधबार प्रधानन्यायाधीश राणाबाहेक सर्वोच्च अदालतमा बसेको १८ जना न्यायाधीशहरुको बैठकले गोलाप्रथा शुरु भएपछि समेत प्रधानन्यायाधीश संलग्न इजलासमा सामेल भएर सुनुवाइ गर्न असम्भव हुनेमा सबै न्यायाधीश एकमत भएका हुन् । ‘आफैंले त्यति गम्भिर आरोप लगाएका व्यक्तिसँग इजलासमा बसेर न्यायसम्पादन गर्न सकिंदैन’, सर्वाेच्चका एक न्यायाधीशले भने ।

उनले विहीबार नेपाल बार एशोसिएशन र सर्वोच्च अदालत बार एशोसिएशन सीमित पदाधिकारीहरुसँग १८ जनाले छलफल गर्ने र गोलाप्रथावारे छलफल गर्ने तयारी गरेको जानकारी दिए । कानून व्यवसायीहरुसँगको छलफलपछि न्यायाधीशहरुले विहीबारका लागि नै पूर्ण बैठक तय गरेका छन् । 

प्रकाशित समय : १५:१३ बजे