सभामुख अग्निप्रसाद सापकोटालाई स्पेनको मड्रिडमा हुने अन्तर व्यवस्थापिका संघ (आईपीयू)को सभामा निषेध गर्न आयोजकलाई आग्रह गरिएको छ ।

नेपालका सभामुख अग्निप्रसाद सापकोटालाई नोभेम्बर २६ देखि ३० (मंसिर १० देखि १४) सम्म आईपीयूको १४३औं सभाका लागि निमन्त्रणा छ । तर जवाफदेही निगरानी समूहसहितका संस्थाले सापकोटालाई दिएको निमन्त्रण फिर्ता लिन आयोजकसँग माग गरेका हुन् । 

सभामुख सापकोटामाथि सन् २००५ अप्रिलमा काभ्रेका अर्जुनबहादुर लामाको हत्या आरोप छ । सशस्त्र द्वन्द्वको समयमा भएको घटनामा सभामुख सापकोटाविरुद्ध प्रहरीले गरेको अनुसन्धान तामेलीमा रहेको भन्दै जवाफदेही निगरानी समूहले स्पेन सरकारलाई सापकोटालाई सभामा निषेध गर्दै देश प्रवेशमा प्रतिबन्ध लगाउन र अन्तर्राष्ट्रिय अपराधको विश्वव्यापी क्षेत्राधिकार अन्तर्गत अनुसन्धान सुरु गर्न आग्रह गरेको हो ।

जवाफदेही निगरानी समितिका संयोजक चरण प्रसाईले अन्तर व्यवस्थापिका संघका अध्यक्ष, स्पेनका विदेशमन्त्री र नेपालसमेत हेर्ने दिल्लीस्थित स्पेनको दूतावासलाई पनि पत्र लेखेका हुन् ।

हेर्नुहाेस् पत्र 

प्रकाशित समय : १३:१८ बजे