सभामुख अग्निप्रसाद सापकोटा स्पेन प्रस्थान गरेका छन् । अन्तर व्यवस्थापिका संघ (आईपीयू)को  १४३औं सम्मेलनमा सहभागी हुन सभामुख सापकोटा नेपाली प्रतिनिधिमण्डलको नेतृत्व गर्दै स्पेन उडेका हुन् ।

नेपाली टोली बुधबार राति ८ः५० बजे त्रिभुवन अन्तर्राष्ट्रिय विमानस्थलबाट स्पेन उडेको हो । सभामुखसँग प्रतिनिधि सभा सदस्य तथा माओवादी केन्द्रका नेता देवप्रसाद गुरुङ, लक्ष्मीकुमारी चौधरी, राष्ट्रिय सभा सदस्य प्रमिलाकुमारी र अगमप्रसाद वान्तवा राई रहेका छन् । त्यसैगिर संघीय संसदका महासचिव डा भरतराज गौतम, प्रतिनिधसभाका सचिव गोपालनाथ योगी, सभामुखका प्रमुख स्वकीय सचिव अर्जुन खत्री केसी, कम्प्युटर अधिकृत सुरेशराज सेढाईँ र स्पेनस्थित नेपाली राजदूतावासका कार्यवाहक राजदूत अर्जुन अधिकारी सहभागी छन् ।

सभामुख सापकोटामाथि सन् २००५ अप्रिलमा काभ्रेका अर्जुनबहादुर लामाको हत्या आरोप लागेको भन्दै जवाफदेही निगरानी समूहले सापकोटालाई सभामा निषेध गर्दै देश प्रवेशमा प्रतिबन्ध लगाउन र अन्तर्राष्ट्रिय अपराधको विश्वव्यापी क्षेत्राधिकार अन्तर्गत अनुसन्धान सुरु गर्न स्पेन सरकारलाई आग्रह गरेर पत्र लेखेको छ ।