स्याङ्जाको वालिङ नगरपालिका-८ वालिङबजारमा रहेको गाउँबेँसी डिपार्टमेन्टल स्टोर्समा आगलागी हुँदा झण्डै पचास लाख रूपैयाँको क्षति भएको छ । गएराति १ः३० बजेको समयमा विद्युत् सर्ट भई आगलागी हुँदा स्टोर्समा रहेका सामान जलेर नष्ट भएको सञ्चालक सुधन श्रेष्ठले जानकारी दिए ।

सञ्चालक श्रेष्ठका अनुसार कम्प्युटर, सीसी टीभी र टीभी पसलमा रहेका खाद्यान्नसहितका अन्य सामग्री नष्ट भएका छन् । 'सामान धेरै जलेर नष्ट भएका छन् भने अन्य सामान धुवाँका कारण गन्हाउने समस्या छ,' सञ्चालक श्रेष्ठले भने, 'आगोकै कारण ठूलो क्षति बेहोर्नुपरेकामा दुःख लागेको छ ।' राति नै नगरपालिकाको दमकलको सहायतामा आगो नियन्त्रणमा लिइएको थियो ।

प्रकाशित समय : १९:२१ बजे