विश्वव्यापी रुपमा टु-ह्वीलर तथा थ्री-ह्वीलरको ख्यातिप्राप्त निर्माता कम्पनी, टीभीएस मोटर कम्पनीको नेपालका लागि आधिकारिक वितरक, जगदम्बा मोटर्सले नेपालमा टीभीएस अपाचे आरटीआर २०० फोरभीको फर्स्ट इन् क्लास राइडिङ मोड्स, आरटी–एफआइ, बीएस–भीआइ र एबीएससहितको नयाँ मोडल नेपालमा सार्वजनिक गरेको छ । 

गत बिहीबार सार्वजनिक गरिएको कार्यक्रममा बोल्दै टीभीएस मोटर कम्पनीका अन्तर्राष्ट्रिय व्यापार अध्यक्ष आर दिलीपले टीभीएस अपाचे श्रृंखला संसारभर रहेका  ग्राहक र रेसिङ उत्साहीहरुका लागि नयाँ प्रविधिको कौशल प्रदान गर्ने बताए । उनले भने, ‘फस्र्ट इन सेगमेंट फिचर्स र प्रविधियुक्त रहेको नयाँ टीभीएस अपाचे आरटीआर २०० फोरभी मोटरसाइकल नेपालमा प्रस्तुत गर्न पाउँदा हामी अत्यन्तै उत्साहित छौं र आशा गर्दछौं कि  यस नयाँ मोडलले हाम्रा नेपाली ग्राहकहरु लाई थप उत्साहित र खुशी बनाउँनेछ ।’

कार्यक्रममा जगदम्बा मोटर्स तथा शंकर ग्रुपका अध्यक्ष शाहिल अग्रवालले भने, ‘नेपाली ग्राहकहरुले सधैं नै टीभीएस अपाचे सिरिजको रेस एडिसनलाई सधैँ नै रुचाएका छन् । यो नयाँ एडिसनको रेस मेसिनले ग्राहकवर्गमा थप उत्साह ल्याउनेमा हामी आशावादी रहेका छौं र टीभीएस मोटर कम्पनीले सधैं ग्राहकको उच्चतम ड्राइभिङ अनुभवका लागि आफ्ना उत्पादनहरुमा उच्चस्तरीय र नविन प्रविधिको प्रयोग गर्ने प्रणालीको हामी एकदमै सरहाना गर्न चाहान्छौं ।’

टीभीएस अपाचे आरटीआर २०० फोरभी विथ फस्र्ट इन् क्लास राइड मोड्सको बारे कुरा गर्नु पर्दा यसमा ठाउँ, सडक र मौसम अनुसार राइडिङ् मोड परिवर्तन गर्न मिल्ने अत्याधुनिक फिचर्स रहेको छ । यसको सिस्टममा स्पोर्ट, अर्बान र रेन मोड गरेर तीनवटा मोडहरु रहेका छन् । जसलाई चालकले सहजता र परिस्थितिको आधारमा मोटरसाइकल कुदाउँदा परिवर्तन गर्न सक्नेछन् । यस फिचर्सले चालकको राइडिङ अनुभवलाई थप सहज र सुरक्षित गर्ने देखिन्छ ।

यो मोटरसाइकलमा अब पहिलाको भन्दा फरक फस्र्ट इन् सेगमेन्ट एड्जस्टेबल सस्पेन्सनसहित आएको छ । उच्चतम प्रस्तुति दिन सक्षम सोवा फ्रन्ट सस्पेन्सनको प्रि–लोडेड एड्जस्ट्मेन्टले चालकलाई प्लुस राइड र ट्रयाक राइड कुन मा कुदाउने भनेर रोज्ने अवसर प्रदान गर्दछ भने नयाँ पछाडिको सोवा सस्पेन्सनले ट्रयाक मोटरसाइकल कुदाउँदा गज्जबको अनुभव प्रदान गर्दछ । यो मोटरसाइकल ३–स्टेप एड्जस्टमेन्टसहित एड्जस्टेबल ब्रेक तथा क्लच लिभरसहित उपलब्ध छ । जसलाई बीचको औंलाले कन्ट्रोल गर्न एकदमै सजिलो रहेको छ । त्यस्तै सिंगल चेनल एबीएससहित यसको ब्रेकिङ प्रणालीमा व्यापक सुधार भएको हुनाले यो मोटरसाइकल अधिक सुरक्षित बनेको छ ।

प्रकाशित समय : २३:४९ बजे