डिश मिडिया नेटवर्क लिमिटेड (डिश होम) ले पोखरामा डिशहोम फाइबर नेटको औपचारिक सुरुवात गरेको छ । आज भाद्र २३ गते नयाँ बजारस्थित भट्टराई एण्ड ब्रदर्स सप्लायेर्स प्रालिमा पोखरा उद्योग वाणिज्य संघका अध्यक्ष्य नारायण कोइरालाबाट उद्घाटन सम्पन्न भएको छ ।

भट्टराई एण्ड ब्रदर्स सप्लायर्स प्रालिका अध्यक्ष अम्बिका मोहन भट्टराईले डिशहोम फ़ाईबर नेटको औचित्यबारे प्रस्ट पारे । उनले  भने, 'डिसहोमले इन्टरनेटमा गरेको लगानीले अब नेपालमा ईन्टरनेट क्रान्ति सुरू भयो । सस्तो सर्भासुलभ र गुणस्तरीय इन्टरनेट सेवा हरेक ग्राहकलाई थप सेवा सुविधासहित आजबाट जडान हुनेछ भने १० Mbps देखि ग्राहक को रोजाइ अनुसार १०० Mbps सम्मको प्याकेज उपलब्ध रहेको छ ।' उनले थपे, 'सहरी एरियामा सुरु गरेको डिशहोम फ़ाईबर नेट आफ्नो सेवालाई ग्रामीण एरियाका ग्राहकलाई पनि छिट्टै उपलब्ध गराउने कुरा डिश होमका यरिया सेल्स मेनेजर प्रदिप सुवेदीले जानकारी गराइन् । डिशहोम फ़ाइबर नेटसँगै अन्य सेवा पनि छिट्टै सुरु हुने कुरा जानकारी गराए ।

यससँगै अब इन्टरनेटको समस्याले कुनैपनि नागरिक बञ्चित हुनुनपर्ने भएको छ । भट्टराई एण्ड ब्रदर्स प्रालिले डिस होम, डिस होम फाइबर नेट इन्टरनेट तथा विभिन्न उच्चस्तरीय ब्राण्डका इलेक्ट्रोनिक तथा अटोमोबाइल्सका सामानको बिक्रीवितरणमा गण्डकी तथा धवलागिरी क्षेत्रमा बजार विस्तार जमाएको छ ।