नेपाल इन्भेष्टमेण्ट बैंक लिमिटेडले आफ्नो ८७औं शाखा सिन्धुलीकाे कमलामाई नगरपालिकास्थित सिन्धुलीमाडी बजारमा विस्तार गरेको छ । कमलामाई नगरपालिकाका मेयर खड्गबहादुर खत्री र प्रबन्धक सुशील कुमार श्रेष्ठले नयाँ शाखाको उद्घाटन गरे ।

सिन्धुलीमाडी शाखाले हाम्रा ग्राहकहरुलाई वित्तीय पहुँच पुर्‍याउने र वित्तीय साक्षरतालाई फराकिलो पार्ने उद्देश्यले स्थानीय मागलाई पूर्ण रुपमा पूरा गर्ने बैंकिङ सेवाहरु प्रदान गर्नेछ । नेपाल इन्भेष्टमेण्ट बैंकले ८७ शाखा, १३० एटीएम, २० एक्सटेन्सन काउन्टर, १० राजस्व संकलन काउन्टर र ५६ शाखारहित बैंकिङ काउन्टरबाट आफ्ना ग्राहकहरूलाई सेवा पुर्‍याइरहेको छ ।

पाँच पटकसम्म फाइनान्सियल टाइम्सबाट ‘बैंक अफ द इयर’ अवार्ड पाइसकेको यस बैंक अन्तर्राष्ट्रिय प्रकाशन युरोनोमीबाट अनुकरणीय सेवा र व्यवसायका लागि ‘बेस्ट बैंक २०७५ र २०७८’ युरोनोमी अवार्डबाट समेत पुरस्कृत भइसकेको छ । यसबाहेक, इक्रा नेपाल (अन्तर्राष्ट्रिय क्रेडिट रेटिङ एजेन्सी-नेपाल)ले बैंकलाई ‘ए’ वर्गको क्रेडिट रेटिङ दिएको छ ।

प्रकाशित समय : १५:१० बजे