बेथानचोक नारायणस्थानबाट देखिएको दृश्य
जर्मनीमा आधाभन्दा बढी जनसंख्यालाई कोरोनाविरुद्धको पूरा डोज खोप
वि.सं.२०७८ साउन १४ बिहीवार ००:०१
15.62K
shares
shares
जर्मनीको आधाभन्दा बढी जनसंख्यालाई कोरोना भाइरसविरुद्धको पूरा डोज खोप लगाइएको स्वास्थ्यमन्त्री जेन्स स्पानले बताएका छन् । युरोपको सबैभन्दा ठूलो अर्थतन्त्र जर्मनीले खोप अभियानलाई प्राथमिकतामा राखेको उनले बताएका हुन् । स्पानका अनुसार ४ करोड १८ लाख जर्मन हाल पूर्णरुपमा सुरक्षित भएका छन् ।
जर्मनीको कूल जनसंख्या ८ करोड ३० लाखभन्दा बढी छ । जर्मनीको आधा जनसंख्या भनेको ४ करोड १५ लाखभन्दा बढी हो । त्यस्तै ६१.१ प्रतिशतले जर्मन नागरिकले कम्तीमा एक डोज खोप प्राप्त गरेको पनि उनले बताएका हुन् । प्रायः सबैले नागरिकले शरद र जाडो मौसमसम्म खोप लिने पनि स्पानले ट्विटरमा लेखेका छन् ।
जर्मनीमा कोरोनाभाइरस सुरु भएदेखि हालसम्म ३७ लाख ६६ हजार ५०१ व्यक्ति संक्रमित भएका छन् । कोरोना संक्रमणको कारण ९१ हजार ५९२ व्यक्तिको मृत्यु भएको यहाँका सरकारी अधिकारीहरुले जानकारी दिएका छन् । (एजेन्सी)
