Nepalese Flag २०७८ साउन १६ गते शनिबार   |   July 31, 2021

विपक्षी गठबन्धनलाई निरन्तरता दिनु पर्ने कांग्रेसको निष्कर्ष

न्युज कारोबार काठमाडौं असार ४, २०७८       

विपक्षी गठबन्धनलाई निरन्तरता दिनु पर्ने कांग्रेसको निष्कर्ष

प्रमुख प्रतिपक्ष दल नेपाली कांग्रेसले विपक्षी गठबन्धनलाई निरन्तरता दिने भएको छ । शुक्रबार बसेकाे कांग्रेस केन्द्रीय कार्यसमिति बैठकले लोकतन्त्र र संविधानको रक्षाका लागि पाँच दलीय गठबन्धनलाई थप मजबुत बनाउनु पर्ने निकर्ष निकालेको हो ।

नेकपा माओवादी केन्द्र, नेकपा एमालेको माधवकुमार नेपाल समूह, जनता समाजवादी पार्टीको उपेन्द्र यादव समूह र राष्ट्रिय जनमोर्चाले कांग्रेसको नेतृत्वमा विपक्षी गठबन्धन बनाएका छन् । पछिल्लो समय गठबन्धनले हरेक विषय साझा धारणा बनाउन थालेपछि कांग्रेसका केही नेताहरुले प्रश्न उठाएका छन् । तर बैठकले औपचारिक रुपमै गठबन्धनमा आवद्ध दलहरुसँगको सहकार्यलाई अगाडि बढाउने निर्णय गरेको हो ।

कांग्रेसले २० चैत २०७७ मा बसेको केन्द्रीय कार्यसमितिको बैठकले पार्टी सभापतिको नेतृत्वमा सरकार बनाउन पहल गर्ने निर्णय गरेको र अहिले बनेको विपक्षी गठबन्धन देउवाकै नेतृत्वमा सरकार बनाउन भएको बताएको छ ।

सम्बन्धित खबरहरु