संसद सचिवालयमा स्वाब संकलन गरिएका एक हजार २३५ जनामध्ये १६० जनामा कोरोना संक्रमण पुष्टि भएको छ । संसद सचिवालयका कर्मचारी, संसद, मर्यादापालक, सुरक्षाकर्मीलगायतको स्वाब संकलन गरिएकोमा २६ जना सांसदलाइ कोरोना संक्रमण पुष्टि भएको संसद सचिवालयले जनाएको छ । २६ जनामध्ये ८ जना संसद् सचिवालयमा स्वाब संकलन गर्नुअघि नै ८ सांसद आइसोलेसनमा थिए भने बाँकी १८ जना थपिएका हुन् ।

अहिले कुल संक्रमित सांसदको संख्या २६ पुगेको छ । संक्रमित १६० मध्ये १४१ जना सचिवालयका कर्मचारी, मर्यादापालक, स्वकीय सचिव, सुरक्षाकर्मी, पत्रकार र आईसीसी भवनका कर्मचारी रहेका छन् । प्रतिनिधि सभाका २७१ मध्ये ४ जना निलम्बित हुँदा सांसदको संख्या २६७ रहेको छ ।

यी हुन् संक्रमित सांसदहरू

– झलनाथ खनाल 
– मुकुन्द न्यौपाने 
– मायादेवी न्यौपाने 
– पार्वती डिसी चौधरी 
– राजेन्द्रप्रसाद गौतम 
– नन्दलाल रोका क्षेत्री 
– लालबाबु पण्डित 
– लक्ष्मणलाल कर्ण 
– नरमाया ढकाल 
– महेश बस्नेत 
– रामबाबु यादव 
– गोपालबहादुर बम 
– नमीता कुमारी चौधरी 
– शान्तिमाया तामाङ 
– विना कुमारी श्रेष्ठ  
– रेनुका गुरुङ 
– जुलीकुमारी महतो 
– रघुवीर महासेठ 
– किसान श्रेष्ठ 
– सुरेश कुमार राई 
– पुष्पा कुमारी कर्ण कायस्थ 
– भानुभक्त ढकाल 
– बिना मगर 
– भरतकुमार शाह 
– प्रमोद शाह 
– दिपकप्रकाश भट्ट

प्रकाशित समय : १६:५४ बजे