बैंक तथा वित्तीय संस्थासँग सम्बन्धित ब्याजदरको सूचनाहरु सहज ढंगले सम्प्रेषण गर्ने उद्देश्यले आइतबारदेखि bankbyaj.com नामक वेबसाइटकाे सुरुवात भएको छ । बैंक ब्याज डटकमले ग्राहकलाई बैंक तथा वित्तीय संस्थाको ब्याजदरबारे जानकारी दिने मात्र नभएर बैंकिङ पहुँच बढाउन सहयोग पुग्ने सञ्चालककाे दाबी छ ।

उक्त वेबसाइटमा ग्राहकले बैंक तथा वित्तिय संस्थाका कर्जा तथा निक्षेपको ब्याजदर, प्रोसेसिङ चार्जका साथै अन्य सूचनाहरु सहजै हेर्न सक्नेछन् । यसका साथै कर्जा लिनका लागि बैंकमा पुर्‍याउनु पर्ने कागजी प्रक्रियालगायत अन्य जानकारीसमेत वेबसाइटमार्फत प्राप्त गर्न सकिने जनाइएकाे छ ।

कुन बैंक तथा वित्त कम्पनीको आधारदर र खराब कर्जाकाे विषयमा पनि वेबसाइटमार्फत् नै जानकारी लिन सकिने सञ्चालकहरूले बताएका छन् । सञ्चालकका अनुसार वेबसाइटमा राखिएका जानकारी पर्याप्त नभए फोनबाट पनि परामर्श लिन सकिने र साेवापत ग्राहकले कुनै पनि शुल्क तिर्नु पर्दैन ।

प्रकाशित समय : १९:४७ बजे