काठमाडौं- गुराँस लाइफ इन्स्योरेन्स कम्पनी लिमिटेडले “गुराँस लाइफ सँग सुरक्षीत हाम्रो जिन्दगी” भन्ने नाराका साथ कम्पनी १० बर्ष पुरा गरि ११ बर्षमा प्रवेश गरेको उपलक्ष्यमा रक्तदान कार्यक्रमको आयोजना गरेको छ ।

वार्षिकोत्सवको अवसर पारेर संस्थागत सामाजिक उत्तरदायित्व अन्तर्गत रक्तदान गरेको गुराँस लाइफले जनाएको छ । काठमाडैंको तिनकुने, विर्तामोड, बुटवल, धरानमा गरेको रक्तदान कार्यक्रममा २३१ जनाले रक्तदान गरेको बैंकले जनाएको छ ।

यस वर्ष नेपाल भरि प्रत्येक महिना संस्थागत सामाजिक उत्तरदायित्व अन्तर्गत विभिन्न कार्यक्रमहरु गर्ने योजना रहेको पनि बैंकले जारी गरेको विज्ञप्तीमा जनाएको छ ।

गुराँस लाइफले १० वर्षको अवधिमा नेपालभरि १८ हजार प्रशिक्षित अभिकर्ता र ७० वटा कार्यालयहरु मार्फत बालबालिकाको लागि शिक्षा योजना, सावधिक, आजीवन र पेन्सन सहितको बीमा योजना तथा वार्षिक नगद फिर्ता योजना समेटिएको विभिन्न १३ वटा जीवन बीमा योजना ल्याएको छ ।

आगामी दिनमा नेपालको बीमा क्षेत्रमा आफ्नो विशिष्ट पहिचान बनाउँदै न्युन बीमा शुल्क दरमा नयाँ नयाँ बीमा योजना मार्फत सुलभ, सरल एवं आधुनिक सेवा प्रदान गरिरहने प्रतिबद्धता पनि लाईफले ब्यक्त गरेको छ ।

प्रकाशित समय : १५:०४ बजे