काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सांसदकै अगुवाइमा गौतमबुद्ध विमानस्थल निर्माण अवरुद्ध

16.99K
shares

रुपन्देही निर्वाचन क्षेत्र नम्बर ३ (क) का प्रदेश सभा सांसद सन्तोष पाण्डेको अगुवाइमा भैरहवामा निर्माणाधीन विमानस्थलमा अवरोध गरिएको छ । मुआब्जा नपाएका स्थानीय बासिन्दालाई उचालेर पाण्डेले निर्माणाधीन गौतमबुद्ध अन्तर्राष्ट्रिय विमानस्थल निर्माणमा अवरोध पुर्याएका छन् ।
आयोजनाले रकम निर्धारण गरेको दुई महिनामा मुआब्जा वितरण गरिसक्ने आश्वासन दिए पनि एक वर्ष बितिसक्दासमेत मुआब्जा वितरण नगरेकाले विमानस्थल निर्माणमा अवरोध गरिएको सांसद पाण्डेले बताए । विमानस् निर्माण आयोजनाले जनाएको प्रतिबद्धताअनुसार मुआब्जा वितरण नगरेको, मुआब्जा रकममा पनि लाभकर लगाएको लगायतका विषयमा असन्तुष्टि जनाउँदै उनीहरुले विमानास्थल रनवे निर्माणमा अवरोध गरेका हुन् ।
विमानस्थलका आयोजना प्रमुख ओम शर्माले अर्थ मन्त्रालयले ५ अर्ब रकम निकासा गरिसकेको र सो रकम आयोजनाको खातामा नआउँदासम्म मात्र यो समस्या रहने बताए । ‘चालू आर्थिक वर्षमा ११ अर्ब रुपैयाँ वितरण गरिसकेका छौं,’ उनले भने, ‘अहिले आउने ५ अर्ब वितरणका लागि सबै प्रक्रिया पूरा भइसकेको छ ।’ रकम खातामा आएपछि चार सय २५ जनालाई मुआब्जा वितरण सुरु गर्ने उनले जानकारी दिए ।