गृहपृष्ठ लागु औषधसहित दुई जना पक्राउ
लागु औषधसहित दुई जना पक्राउ
प्रहरीले काठमाडौंको छुट्टा छुट्टै स्थानबाट दुई जनालाई पक्राउ गरेको छ ।
महानगरीय प्रहरी वृत्त स्वयम्भुबाट खटिएको टोलीले दोलखाका बादल श्रेष्ठलाई स्वयम्भुबाट पक्राउ गरेको हो ।
स्वयम्भुस्थित अन्नपूर्ण चोकबाट लागू औषधसहित श्रेष्ठलाई पक्राउ गरिएको प्रहरीले जनाएको छ । उनको साथबाट नुफिन ३४ एम्पुल, डाइजेल्याड ३४ एम्पुल तथा फेनारागन ६० एम्पुल बरामद गरिएको प्रहरीले जनाएको छ ।
त्यस्तै नाकढुंगाबाट सर्लाही कविलासी–३ का राजकुमार यादवलाई २ सय ८२ ट्याबलेट माइक्राजेपाम सहित पक्राउ गरिएको प्रहरीले जनाएको छ । प्रहरीका अनुसार सर्लाहीबाट काठमाडौं आउँदै गरेको ना. ६ ख ७४६० नम्बरको यात्रुबाहक बसको चेकजाँच गर्ने क्रममा यादवलाई पक्राउ गरिएको हो ।
दुवै घटनाका सम्बन्धमा थप अनुसन्धान भइरहेको प्रहरीको भनाई छ ।
प्रकाशित समय : ००:०७ बजे
