आफूलाई पदमुक्त गर्ने सरकारी निर्णयविरुद्ध सर्वाेच्चमा रिट दायर गरेकी नेपाल टेलिकमकी निवर्तमान निर्देशक कामिनी राजभण्डारीका पक्षमा अन्तरिम आदेश दिन सर्वाेच्च अदालतले अस्वीकार गरेको छ ।

राजभण्डारीले आफूलाई पदमुक्त गर्ने सरकारको निर्णय कार्यान्वयन नगर्न माग गर्दै रिट दायर गरेको भए पनि सर्वाेच्चले अन्तरिम आदेश दिन अस्वीकार गरेको हो । राजभण्डारी सर्वाेच्चको आदेशविरुद्ध सर्वाेच्च पुगेकी थिइन् । सर्वाेच्चका न्यायाधीश चोलेन्द्रशम्शेर जबराको एकल इजलासले उनको रिटमाथि सुनुवाई गर्दै यस्तो निर्णय गरेको हो ।

मन्त्रीपरिषद्ले निर्देशक राजभण्डारीको कार्यशैलीप्रति असन्तुष्टि जनाउँदै साउन २९ गते पदमुक्त गर्ने निर्णय गरेको थियो । मन्त्रीपरिषदको सोही निर्णय विरुद्ध राजभण्डारी सर्वाेच्च अदालतमा रिट दायर गरेकी थिइन् ।

प्रकाशित समय : २२:२९ बजे