गृहपृष्ठ तीन किलो सुनसहित दुई जना पक्राउ
तीन किलो सुनसहित दुई जना पक्राउ
महानगरीय प्रहरी परिसर काठमाडौंले तीन किलो सुनसहित दुईजनालाई पक्राउ गरेको छ ।
परिसरको टोलीले रसुवा केरुङ नाका हुँदै काठमाडौं सुन तस्करी भइरहेको सूचनाका आधारमा रसुवा गोसाइकुण्ड गाउँपालिकाका नरबहादुर घले र पेम्बा तामाङलाई पक्राउ गरेको हो । पत्रकार सम्मेलन गरी सोमबार बेलुका बा ७३ प ३४०२ नम्बरको निलो रंगको पल्सर मोटरसाइकलमा सुन ल्याउँदै गरेको अवस्थामा टोखा रोडबाट पक्राउ गरिएको जानकारी दिएको छ ।
उनीहरुले १२ टुक्रा सुन पेटीभित्र लुकाएर ल्याएका थिए । पक्राउ परेका घले र तामाङ भरिया मात्र भएको जनाएको छ ।
पक्राउ परेका दुवैजनालाई आवश्यक कारवाहीका लागि राजश्व अनुसन्धान विभाग हरिहरभवन पठाएको परिसरले जनाएको छ ।
प्रकाशित समय : १३:०७ बजे
