नेपाल आयल निगमले मुलुकका सबै पेट्रोल पम्पहरुलाई विद्युतीय प्रणालीमा लैजाने भएको छ । निगमले मुलुकका सबै पेट्रोल पम्पलाई विद्युतीय प्रणालीमा सञ्चालन गर्ने योजना अघि सारेको हो ।

पेट्रोल पम्पहरु विद्युतीय प्रणालीमा सञ्चालित भए पेट्रोलियम पदार्थको कारोबार थप व्यवस्थित हुने भन्दै यसो गर्न लागिएको निगमले जनाएको छ । निगमका कार्यकारी निर्देशक सुशील भट्टराईले पेट्रोलियम पदार्थको कारोबारलाई व्यवस्थित गर्न पेट्रोल पम्पहरुलाई विद्युतीय प्रणालीमा सञ्चालन गर्ने योजना अघि सारिएको बताए ।

मंगलबार काठमाडौंमा पत्रकार सम्मेलन गरेर निगमले आफ्नो घाटा बढेको समेत जनाएको छ । निगमका अनुसार निगमको मासिक घाटा करिश ६४ करोड हुने निगमले जनाएको छ । विद्यमान घाटालाई पूर्ति गर्नु निगमका लागि मुख्य चुनौति रहेको भट्टराईले उल्लेख गरे । निगमलाई अहिले हवाई इन्धनबाट नाफा भइरहेको उल्लेख गर्दै भट्टराईले सोही कराण निगमलाई टिकाउन सकिएको बताए ।

प्रकाशित समय : १३:४० बजे