चीन भ्रमणमा रहेका नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले चिनियाँ कम्युनिस्ट पार्टीका विदेश विभाग प्रमुखसँग भेट गरेका छन् । मंगलबार चिनियाँ कम्युनिस्ट पार्टीका विदेश विभाग प्रमुख सोङ ताओसँग प्रचण्डले भेट गरेका हुन् ।

चीन भ्रमणका क्रममा चिनिया क्रान्तिका ‘ऐतिहासिक स्थल’हरुको भ्रमण गरी येनान हुँदै नान्जिङ आइपुगेका प्रचण्डलाई ताओले स्वागत गरेका थिए । ताओसँगको भेटमा प्रचण्डले चिनिया कम्युनिस्ट पार्टीको महाधिवेशनले नयाँ विचार ‘सि चिनफिङ विचार’को विकासमार्फत चीनलाई नयाँ उचाईमा पुर्याएकामा खुसी व्यक्त गरेका जनाइएको छ ।

भेटका क्रममा प्रचण्डले ल्हासा–केरुङ–काठमाडौं–लुम्बिनी रेलमार्गलाई विशेष जोड दिएका थिए भने बेल्ट एन्ड रोड इनिसिएटिभको विषमा पनि छलफल भएको बताइएको छ । सत्तारुढ नेकपाका अध्यक्ष प्रचण्डको पहिले भारत र त्यसलगत्तैको चीन भ्रमणलाई राष्ट्रिय राजनीतिमा अर्थपूर्ण रुपमा हेरिएको छ ।

प्रकाशित समय : २१:४७ बजे