काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेपालतर्फको आइसिपी परीक्षण सुरु

10.21K
shares

मोरङको बुधनगरमा निर्माणधीन एकीकृत जाँचचौकी (आइसिपी)को परीक्षण बुधबार साँझबाट सुरु भएको छ । भारतको विदेश मन्त्रालयले नेपालमा अनलोड गरेर फर्केका ट्रक र पेट्रोलियम पदार्थका ट्याङ्कलरीलाई आइसिपीको लिंक रोड प्रयोग गरी भारत प्रवेशमा अनुमति दिएसँगै आइसिपी आंशिक रुपमा संचालनमा आएको हो ।

भारतबाट इन्धन ल्याएर आएका ट्रक र इन्धनका ट्याङ्करलाई परीक्षणका क्रममा बुधबार साँझ ७ देखि बिहान ७ बजेसम्म आइसिपीको लिङ्क रोडबाट भारत प्रवेश गर्न पाउँनेछन् । विराटनगर भन्सारका सूचना अधिकृत मणिराम पौडेलले नेपालबाट दैनिक फर्कने खाली ट्रक र ट्याङकरले बुधबार साँझबाट आइसिपी लिङ्करोडको प्रयोग गरेका छन् ।

जसका लागि भारत फर्कने मालवाहक ट्रक र ट्याङ्करको दर्ताका भन्सारले कर्मचारी खटाउने गरी कार्यालय स्थापना गरेको छ । भन्सार कार्यालयका अनुसार भारत प्रवेशका लागि  दैनिक २ सय र ट्याङ्कर ८० वटा हुने गर्दछन् । ति सवारी साधानले आइसिपीले तयार पारेको लिंक रोडमात्र प्रयोग गर्नेछन् ।

नेपालतर्फ खाली भएका ढुवानीका साधन आइसिपीको बाटो हुँदै जोगबनी थानासम्म निस्कने छन् । जसका कारण रानी क्षेत्रमा हुदै आएको जामको समस्या अब हटेर जानेछ । भारत सरकारले नेपालमा खाली भई फर्कने कन्टेनर, लरी र ग्यासका बुलेटले भने लिंकरोड प्रयोग गर्न भने अनुमति दिएको छैन ।

ठूला ग्यासका बुलेट १० देखि १५ वटा र कन्टेनर बोकेका लरी १ सय ५० वटाको सङ्ख्यामा दैनिक बाहिरिन्छन् । नेपाल भारत समन्वय समितिको जिल्ला स्तरीय बैठकले भारतबाट आइसिपीको बाटो हुँदै बल्की कार्गो, ग्यासका बुलेट र पेट्रोलियम पदार्थका ट्याङ्कलरी नेपाल ल्याउने सहमति गरेको थियो ।

कात्तिक महिनाको अन्तिम साता बसेको बैठकले सबै प्रकारका खाली मालवाहक सवारी छाड्न सहमति गरे पनि बैठकका निर्णयलाई भारतको विदेश मन्त्रालयले स्वीकृति दिएको छैन । विदेश मन्त्रालयले खालि ट्रक र ट्याङ्ककर मात्र फर्कन पाउने गरी स्वीकृति दिएर पठाएको हो । नेपालले जमिन ढिलो गरेर उपलब्ध गराएका कारण नेपालतर्फको आइसिपीको संरचना अझै निर्माणाधीन छ ।

यो पनि पढ्नुहोस् ।

नेपालतर्फको आइसिपी निर्माण कछुवा गतिमा