काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विराट ट्रेड एक्स्पोको तयारी अन्तिम चरणमा

11.19K
shares

विराटनगरमा हुन लागेको विराट ट्रेड एक्स्पो २०१८ को तयारी अन्तिम चरणमा पुगेको छ । मोरङ व्यापार संघ विराटनगरले पुष ६ गतेदेखि १२ गतेसम्म तिनपैनीमा आयोजना गर्ने एक्स्पोको तयारी तिव्र गतिमा भइरहेको छ ।

लामो समयदेखि यहाँका उद्योगीहरुले प्रर्दशनी स्थलको माग गर्दे आएपनि त्यसको पूर्वाधारमा कुनैपनि तहका सरकारले चासो नदेखाएका कारण स्थानीय खाली जग्गामा नै मेलाको आयोजना गर्न लागिएको हो ।

एक्स्पोमा २ सय ७५ स्टल रहने छन् भने ३ लाखले अवलोकन गर्ने अपेक्षा रहेको मोरङ व्यापार संघका महासचिव नविन रिजालले जानकारी दिए । एक्स्पोमा नेपालका विभिन्न जिल्लाबाट तथा भारत, वंगलादेश, पाकिस्तान लगायतका मुलुकले समेत स्टल राख्ने उनले बताए ।

१ करोड ७ लाखको लागतमा आयोजना हुने एक्स्पोमा ३० करोड बढीको कारोबार हुने अनुमान गरेको छ । एक्स्पोमा प्रदर्शनी तथा बिक्री कक्ष, सांस्कृतिक तथा सांगीतिक कक्ष, बालउद्यान तथा मनोरञ्जन र खाना कक्ष रहने छन् ।

प्रदर्शनी कक्षमा अटोमोवाइल्स, बैंक तथा वितिय संस्था, निर्माण सामाग्री, अन्तर्राष्ट्रिय औधोगिक उपकरण, कृषि, जडीबुटी, पर्यटन, दैनिक उपभोग्य सामाग्री हस्तकला, तयारी पोषाक, जुत्ताचप्पलका स्टल रहने रिजालले बताए ।

एक्स्पोमा दर्जनबढी राष्ट्रिय तथा स्थानीय कलाकारहरुको प्रस्तुती, फेशन सो, विद्यालय तथा कलाकेन्द्रको विविध सांस्कृतिक कार्यक्रम संचालन हुने छ । प्रदेशको अस्थायी राजधानी घोषणा भएपछि व्यापारिक चहलपहल समेत थप बढेको विराटनगरमा अन्तर्राष्ट्रिय स्तरको मेलाले थप आकर्षण बढाउने उद्योगी व्यापारीले विश्वास लिएका छन् ।