यस्तो छ आजको मौसम पूर्वानुमान
भैयादुज पर्व सम्पन्न
वि.सं.२०७५ कात्तिक २४ शनिवार १३:१९
11.87K
shares
shares
पश्चिम नेपालका मधेशी समुदायमा तिहारको अन्तिम दिन शुक्रबार यम द्वितीय अर्थात् भैयादुज भुर्की पुजन गरी आ–आफ्नो दाजुभाइलाई टीका लगाई चिउरा, भुर्की र मिठाई खुवाएका छन् ।
घरको आँगनमा गाईको गोबरले लिपपोत गरी भाइको चित्र कोरेर, नदी तलाउ, पर्वत, बाघ, भालु, सर्प, वन जंगलका चित्र बनाएर जंगलमा पाइने कुशलगायत विभिन्न काँडाहरु राखी त्यसमाथि सिलौटा राखेर पूजा गर्ने चलन छ ।
उक्त सिलौटामा चामलको पिठोले नदी बनाएर त्यसमा धर्म भाइको मूर्ति बनाएर पूजा गरिन्छ । गाउँ टोलका सम्पूर्ण महिला एकजुट भई सामूहिक रुपमा भुर्की पुजन गर्दछन् । त्यस क्रममा भाइबहिनीको सुख, समृद्धि र शान्तिका लागि विभिन्न कथा, कहानी पनि सुनाउने गरिन्छ ।
भुर्की पुजनका क्रममा दिदीबहिनीले बिहानैदेखि ब्रत बसेर आ—आफनो दाजुभाइको सुख, शान्ति, उन्नति, सुस्वाथ्य, प्रगतिलगायतको कामना गर्दछन् । आज पूजा गरिने चिउरा भुर्की टाढा रहेका आफ्ना दाजुभाइलाई कार्तिक पूर्णिमासम्म पनि खुवाउने प्रचलन छ ।(रासस)
