काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेप्सेको वेबसाइटमा आज पनि समस्या

12.77K
shares

कात्तिक २० गते सेयरको अनलाइन कारोबार सुरु भएयता नेप्सेको वेबपेजमा निरन्तर समस्या आएको छ । अनलाइन कारोबार सुरु भए पनि नेप्से व्यवस्थापनले वेबपेज अपडेटमा कुनै चासो नदेखाएपछि समस्या आएको हो ।

राजधानीको पाँचतारे होटलमा अनलाइन कारोबारको उट्घाटन हुँदै गर्दा समस्या आएको वेबपेज पाँच दिनसम्म पनि बनेको छैन । नेप्सेको वेबपेज आइतबार पनि बन्द हुँदै खुल्दै गरेपछि लगानीकर्ताले नेप्सेको कारोबार हेर्न पाएका छैनन् ।

अनलाइन कारोबार प्रणालीको उद्घाटनसँगै दंग परेका लगानीकर्ता साइटमा समस्या आएपछि निरुत्साहित बनेका छन् । नेप्सेको साइटमा अनलाइन कारोबार हेर्न नपाएपछि लगानीकर्तामा अनलाइन प्रणालीप्रति नै आशंका बढेको छ । नेप्सेले मंगलबारदेखि पुरानो प्रणाली छाडेर नयाँबाट कारोबार सुरु गरेको हो ।

share-bazar-newskarobar1

नेप्सेका प्रवक्ता मुरारी पराजुलीले नेप्सेको वेबसाइटमा पुरानै समस्या दोहोरिएको बताए । ‘सेयर कारोबारको तथ्यांक इन्टरनेटमा अपडेट नभएको हो,’ न्युज कारोबारसँग उनले भने, ‘इन्ट्रानेटमा कारोबार भइरहेको छ ।’ समस्याको दीर्घकालीन समाधानका लागि प्रयास गरिरहेको उनले जानकारी दिए ।

share-bazar-newskarobar2

साइटमा समस्या अाएपछि एउटै तथ्यांक दुर्इ ठाउँमा देखिएको छ भने कतिपय तथ्यांक अपडेट नै भएका छैनन् । तथ्यांक पनि जथाभावी प्रकाशित भइरहेका छन् ।