गत साउन २० गते भैरहवा मेडिकलकलेजमा उपचारका क्रममा मृत्यू भएका धनुषाका २३ वर्षिय महादेव शाहको परिवारले न्याय नपाएको गुनासो गरेका छन् । सोही अस्पतालमा एमबिबिएस अध्ययनरत विद्यार्थी समेत रहेका शाहको उपचारमा अस्पतालले गम्भीर लापरवाही गर्दा मृत्यू भएको परिवारको दावी छ ।

बुधबार बुटवमा आयोजित एक कार्यक्रममा पीडित परिवारले न्याय नपाएको गुनासो गरेका हुन् । महादेवका भाई अविनास शाहले सम्पत्ती बेचेर दाजुलाई पढाइएको बताउँदै अहिले परिवारमा बिचल्ली भएको गुनासो गरे । अस्पतालले छानविन समितिको प्रतिवेदन समेत लागू नगरेको भन्दै उनको पढाईमा लागेको खर्च उपलब्ध गराउनुपर्ने परिवारको माग छ ।

‘अस्पतालले छानविन गरेर क्षतिपूर्ती दिने सम्झौता गरेको थियो, महिनौं वित्दापनिअस्पतालले हाम्रो कुरा सुनेन’ उनले भने ।

शाहको मृत्यूपछि अस्पतालमा अध्ययनरत विद्यार्थीहले आन्दोलन चर्काएका थिए । आन्दोलनका क्रममा केहि सञ्चारकर्मीको क्यामेरामा समेत तोडफोड भएको थियो । मेडिकल कलेजमा विद्यार्थी शाहको मृत्यूको विषयलाई लिएर जिल्ला प्रशासन कार्यालय रुपन्देहीले छानविन समिति गठन गरेको थियो ।

उक्त छानविन समितिले अस्पतालले उपचारमा लापरवाही गरेकाले प्रचलित कानुन अनुसार उचित क्षतिपूर्ती दिन अस्पताललाई निर्देशन दिएको थियो । छानविन समितिले प्रतिवेदन बुझाएको लामो समय सम्म पनि पीडित परिवारले न्याय नपाउनु दुःखद भएको छानविन समितिका सदस्य एंव इलाका प्रशासन कार्यालय बुटवलका शाखा अधिकृत विष्णु ज्ञवालीले बताए । उनले प्रशासनको तर्फबाट पहल भइरहेको तर अस्पताल प्रशासनले पीडित परिवारबाट कुनै माग नभएको भन्दै आलटाल गर्दा ढिलाई भएको बताए ।