अमेरिकी राष्ट्रपति डानल्ड ट्रम्पले ईरानको रिभोलुसनरी गार्ड कार्प्स (आईआरजीसी)लाई विदेशी आतंकवादी संगठन घोषणा गरिदिएका छन् । अमेरिकाले कुनै अर्को देशको सेनालाई आतंकवादी संगठन घोषणा गरेको यो पहिलो घटना हो ।

अमेरिकी राष्ट्रपतिको कार्यालय ह्वाइट हाउसले आईआरीसीलाई ‘इंप्लिमेन्टिङ इट्स ग्लोबल टेररिस्ट क्याम्पेन’ भनेको छ । ट्रम्पले ईरानसँगको अन्तर्राष्ट्रिय परमाणु सम्झौता तोडिदिएपछि दुई देशका सेनाबीच तनाव बढेको छ ।

आईआरजीसी र योसँग जोडिएका संस्थाहरुमाथि पहिलेदेखि नै अमेरिकाले आतंकवादीलाई समर्थन गरेको तथा मानव अधिकार उल्लंघन गरेको आरोप लगाउँदै आएको छ । राष्ट्रपति ट्रम्पले भनेका छन्, ‘विदेश मन्त्रालयको निकै ठूलो फैसला हो । इरानले आतंकवादलाई बढावामात्रै दिइरहेको छैन, आईआरजीसी पनि यसमा सक्रिय रुपमा सामेल छ ।’

प्रकाशित समय : १६:५३ बजे