चेन्नई सुपर किंग्स इन्डियन प्रिमियर लिग (आईपीएल)मा शीर्ष स्थानमा पुगेको छ ।
कोलकता नाइट राइडर्सलाई ७ विकेटले हराउँदै चेन्नई अंक तालिकाको शीर्ष स्थानमा उक्लिएको हो ।

१ सय ९ रनको लक्ष्य पछ्पाएको चेन्नईले १७.२ ओभरमा नै तीन विकेट गुमाउँदै लक्ष्य पूरा गर्यो । चेन्नईका फाफ डु प्लेसिसले ४३ रनको महत्वपूर्ण योगदान गरे । केदार जाधव ८ रनमा अविजित रहे । शेन वाटशनले १७ रन बनाए । सुरेश रैना १४ रनमा पेभिलिएन फर्किए । आम्बाती रायडू २१ रन बनाउँदै आउट भए । कोलकताका सुनिल नारायणले २ र पियुष चवलाले मात्र एक विकेट लिन सफल भए ।

चेन्नईको घरेलु मैदान एमए चिदम्बरम स्टेडियममा टस हारेर ब्याटिङ गरेको कोलकताले २० ओभरमा ९ विकेट गुमाउँदै १ सय ८ रन बनायो । कोलकताका आन्द्रे रसेलले ५० रन बनाउँदै अविजित रहे पनि सो जितका लागि प्रयाप्त भएन । पहिलो ओभरको अन्तिम बलमा क्रिस लिन शून्यमै एलवी डब्लू धरापमा परे । दोस्रो ओभरको पाँचौ बलमा हरभजन सिंहले सुनिल नारायणलाई ६ रनमा पेभेलिएन फर्काए । तेस्रो ओभरमा नितेश राना र पाँचौ ओभरको चौथो बलमा रबिन उथाप्पा आउट भएपछि कोलकता २४–४ को कमजोर अवस्थामा पुग्यो ।

इमरान ताहिरले नवौं कप्तान दिनेश कार्तिकलाई १९ रनमा र ११ ओभरको पहिलो बलमा सुभमन गिलाई ९ रनमा आउट गरेपछि कोलकता दबाबमा पर्यो । चेन्नई ६ खेलमा ५ मा जित र १ मा हारका साथ १० अंक जोड्दै शीर्ष स्थानमा छ । कोलकता ६ खेलमा ४ मा जित २ मा हारका साथ दोस्रो स्थानमा छ भने किंग्स इलाभेन पन्जाव तेस्रो स्थानमा यथावत छ ।

प्रकाशित समय : १३:०६ बजे