सञ्चार तथा सूचना प्रविधिमन्त्री एवं सरकारका प्रवक्ता गोकुल बाँस्कोटाले प्रधानमन्त्री निवास बालुवाटारको जग्गा किनबेच नभएको बताएका छन् । मन्त्रिपरिषद निर्णय सार्वजनिक गर्न बिहीबार सिंहदरबारमा आयोजित कार्यक्रममा सरकारका प्रवक्ता बाँस्कोटाले भने, ‘प्रधानमन्त्री निवासको जग्गा किनबेच भएको होइन, छेउको जग्गा चाहिँ हो ।’

ललिता निवासको जग्गा किनबेचबारे थप छानबिन गर्ने र संलग्नहरुलाई कारबाही गरिने मन्त्री बाँस्कोटाले बताए । ‘सार्वजनिक सम्पत्तिमा कुनै व्यक्तिको हालीमुहाली हुन हुँदैन, यो मामिलामा कोही दोषी देखिन्छ भने सरकारले छाड्दैन,’ उनले भने ।

उनले नेपाल कम्युनिस्ट पार्टीका महासचिव विष्णु पौडेलले अरु कसैबाट जग्गा किनेकाले उनी स्वयं धन्दामा सामेल नभएको तर्क गरे । ‘उहाँले विज्ञप्ति निकाले स्पष्ट पारिसक्नुभएको छ,’ मन्त्री बाँस्कोटाले भने, ‘उहाँले भन्नुभएको छ, मैले कसैको नाममा भएको जग्गा किनेको हुँ ।’

प्रकाशित समय : २०:१५ बजे