ग्लोबल आईएमई बैंकले चालू आर्थिक वर्षको पहिलो तीन महिनामा व्यापारमा उच्च सुधार गरेको छ । चालू आर्थिक वर्षको असोजसम्ममा बैंकले ७५ करोड खुद नाफा गरेको छ । बैंकको यो नाफा गत आर्थिक वर्षको पहिलो तीन महिनाको तुलनामा ४०.५५ प्रतिशत धेरै हो । गत वर्षको सोही अवधिमा बैंकले ५३ करोड ५८ लाख रुपैयाँ खुद नाफा गरेको थियो ।

यो अवधिमा बैंकले १ अर्ब ५६ करोड रुपैयाँ खुद ब्याज आम्दानी गरेको छ । गत वर्षको सोही अवधिमा बैंकको ब्याज आम्दानी १ अर्ब २० करोड रुपैयाँ थियो ।

मंगलबार प्रकाशित तीन महिनाको वित्तीय विवरणअनुसार बैंकको निष्क्रिय कर्जा ०.८५ प्रतिशतमा झरेको छ । गत वर्षको सोही अवधिमा १.०५ प्रतिशत थियो ।

बैंकको सीसीडी रेसियो ७८.२६ प्रतिशत छ । बेस रेट ९.४४ प्रतिशतमा झरेको छ भने स्प्रेडदर ४.९ प्रतिशत छ । बैंकको प्रतिसेयर आम्दानी २८ रुपैयाँ ८७ पैसा छ ।

समीक्षा अवधिसम्म बैंकले १ खर्ब २८ अर्ब ९९ करोड रुपैयाँ निक्षेप संकलन गरेको छ भने १ खर्ब १८ करोड ४८ लाख रुपैयाँ कर्जा परिचालन गरेको छ ।

प्रकाशित समय : १६:०० बजे