एनआईसी एशिया बैंकले रुपन्देहीको ओडवलियामा शाखारहित बैंकिङ सेवा सञ्चालनमा ल्याएको छ । लुम्बिनी सांस्कृतिक नगरपालिका १३ ओडवलियामा सञ्चालित ४३औं शाखारहित बैंकिङ सेवाको नगर प्रमुख मनमोहन चौधरीले उद्घाटन गरेका हुन् ।

शाखारहित बैंकिङ सेवाको प्रतिनिधिको रुपमा बैंकले अजयसिंह क्षेत्रीलाई नियुक्त गरेको छ । ग्रामीण क्षेत्रका बासिन्दाले गाउँमै स्थानीय प्रतिनिधिमार्फत बैंकिङ सेवा पाउन् भन्ने उद्देश्यले शाखारहित सेवा सञ्चालनमा ल्याएको बैंकले जनाएको छ ।

यस्तो सेवाबाट स्थानीयले निक्षेप खाता खोल्ने, तोकिएको सीमासम्मको रकम जम्मा गर्ने तथा झिक्ने, मोबाइल रिचार्ज गर्ने, उपयोगी सेवा जस्तै : टेलिफोन, मोबाइल, एडिएसएल, डिस होम आदिको महसुल भुक्तानी गर्ने, स्वीकृत सीमाभित्र रही कर्जा कारोबार गर्ने, कर्जाको साँवा तथा ब्याज भुक्तानी गर्ने, खातामा रहेको रकमको जानकारी र संक्षिप्त बैंक स्टेटमेन्ट प्राप्त गर्न सक्नेछन् ।

बैंकले देशभरका ३१० शाखा कार्यालय, ३८९ एटिएम, ९१ वटा एक्सटेन्सन काउन्टर र ४३ वटा शाखारहित बैंकिङ एकाइमार्फत सेवा प्रदान गर्दै आएको छ । १८ लाखभन्दा बढी ग्राहक रहेको बैंकले प्रत्यक्ष र अप्रत्यक्ष गरी गत आर्थिक वर्षमा करिब ३ अर्ब १५ करोड रुपैयाँभन्दा बढी राजस्व सरकारलाई भुक्तानी गरेको जनाएको छ ।

प्रकाशित समय : ००:०८ बजे