काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सेफ सापकोटाद्वारा प्रधानमन्त्री दैवी प्रकोप उद्धार कोषमा ५१ लाख सहयोग

1.93K
shares

लिस्बन । पोर्चुगलमा कार्यरत चर्चित सेलिब्रिटी शेफ टंक सापकोटाले प्रधानमन्त्री दैवी प्रकोप उद्धार कोषमा ५१ लाख ११ हजार १ सय ५१ (करिब २९ हजार युरो) सहयोग प्रदान गरेका छन् ।

नेपालमा हालै आएको विनाशकारी बाढीबाट प्रभावित समुदायको उद्धार तथा राहतका लागि सापकोटा परिवारले उक्त रकम प्रदान गरेको हो ।

सापकोटाले विपद्को कठिन घडीमा मातृभूमि र पीडित समुदायसँग आफ्नो परिवारले जीवनबाट प्राप्त गरेको केही अंश बाँड्न पाउनु कर्तव्यसँगै मानवता, कृतज्ञता र आत्मसम्मानको विषय भएको बताए । ‘हामीले जीवनबाट प्राप्त गरेको केही अंश कठिन घडीमा आफ्नो मातृभूमि र पीडामा रहेका समुदायसँग बाँड्न सक्नु हाम्रो लागि कर्तव्यमात्र होइन, मानवता, कृतज्ञता र आत्मसम्मान पनि हो,’ उनले भने ।

उनले पोर्चुगिज नागरिकहरूले वर्षौँदेखि आफू, आफ्नो परिवार, रेस्टुरेन्ट तथा व्यवसायप्रति देखाएको माया, विश्वास र सद्भावप्रति आभार व्यक्त गरे । साथै, आफ्नो यात्रासँग जोडिएका ग्राहक, मित्र, शुभेच्छुक तथा विश्वभरिका सहृदयी व्यक्तिहरूलाई पनि उनले धन्यवाद दिए ।

सापकोटाले पछिल्लो विपद्ले जलवायु परिवर्तन र विश्वव्यापी तापक्रम वृद्धिको असरप्रति गम्भीर प्रश्नसमेत उठाएको बताए । जलवायु परिवर्तनमा न्यून योगदान गरेका निर्दोष मानिस तथा समुदायहरू नै यसको सबैभन्दा ठूलो मारमा परिरहेको उनको भनाइ छ ।