तनहुँ । भिमाद नगरपालिकाले प्रधानमन्त्री दैवी प्रकोप उद्धार कोषमा २० लाख सहयोग गर्ने निर्णय गरेको छ । नगरपालिकाको विपद् व्यवस्थापन समितिको बैठकले रसुवा बाढीबाट प्रभावित नागरिकको राहत तथा उद्धारका उक्त रकम सहयोग गर्ने निर्णय गरेको हो ।

नगरपालिकाको कोषबाट पाँच लाख, जनप्रतिनिधिको एक महिनाको पारिश्रमिकबाट आठ लाख ८० हजार, शिक्षक र कर्मचारीको तलबबाट छ लाख तथा भ्रमण कार्यक्रमको बजेट बाट २० हजार सहयोग गर्ने निर्णय भएको नगरप्रमुख दधिराज सुवेदीले जानकारी दिए ।

रसुवामा बाढीका कारण भएको जनधनको क्षतिप्रति दुःख व्यक्त गर्दै नगरप्रमुख सुवेदीले विपद्को घडीमा भिमाद नगरपालिका पीडितको साथमा रहेको बताए ।

प्रकाशित समय : १५:५७ बजे