मुक्तिनाथ विकास बैंकको तेह्रौं वार्षिक साधारण सभाले चार वर्षका लागि नयाँ सञ्चालक समिति चयन गरेको छ । साधारणसभाले संस्थापक सेयरधनीका तर्फबाट भरतराज ढकाल, गजेन्द्रमान श्रेष्ठ र रविन्द्रमान श्रेष्ठ तथा सर्वसाधारण सेयरधनीका तर्फबाट निर्मला कुमारी केसी (कार्की) र शालिग्राम मिश्रलाई सर्वसम्मत चयन गरेको हो ।

नवगठित सञ्चालकहरुको पहिलो बैठकले बैंकको स्थापनाकालदेखि १२ वर्षसम्म प्रमुख कार्यकारी अधिकृत रहेका ढकाललाई सर्वसम्मत अध्यक्ष चयन गरेको छ । अध्यक्ष ढकालले नेपाल राष्ट्र बैंकमा आयोजित एक समारोहमा डेपुटी गभर्नर चिन्तामणि शिवाकोटीबाट पद तथा गोपनीयताको सपथ लिएका छन् । अन्य नवनिर्वाचित सञ्चालकहरुलाई अध्यक्ष ढकालले सपथ ग्रहण गराएको बैंकका प्रमुख सूचना अधिकारी तिलबहादुर गुरुङले जानकारी दिए ।

मुक्तिनाथ विकास बैंकले हाल ४२ जिल्लामा १३४ वटा शाखामार्फत ग्राहकका आवश्यकताबमोजिमका सबै प्रकारका बचत निक्षेप तथा कर्जा सेवाहरु प्रदान गर्दै आएको छ । साथै, प्रविधिमा आधारित रही मोबाईल बैंकिङ, क्यूआर पेमेन्ट, एटिएम, अनलाइन बैंकिङलगायतका सेवा पनि प्रदान गरिरहेको छ ।

प्रकाशित समय : १६:३२ बजे