काठमाडौं । नामी भिगो ई२ नेपाली बजारमा सार्वजनिक भएको छोटो समयमै उच्च माग र उत्साहजनक प्रतिक्रिया पाउन सफल भएको छ । सार्वजनिक भएको ६ दिनमै चाडपर्वमा बिक्री गर्ने लक्ष्यभन्दा बढी बुकिङ भएपछि कम्पनीले सीमित अवधिका लागि ल्याएको २ लाख रुपैयाँको विशेष अफर समाप्त गरेको जनाएको छ ।

आधुनिक डिजाइन, आकर्षक फिचर, प्रिमियम अनुभव र प्रतिस्पर्धी मूल्यका कारण फुलसाइज एसयूभी भिगो ई२ प्रति नेपाली उपभोक्ताको आकर्षण बढेको कम्पनीको भनाइ छ ।

यसअघि नेपाली बजारमा उपलब्ध नामी ई२ प्लसमा रहेका लोकप्रिय फिचरलाई निरन्तरता दिँदै थप परिष्कृत रूपमा भिगो ई२ ल्याइएको हो । मुनरुफ हटाएर प्रस्तुत गरिएको नयाँ मोडलले बजारमा थप आकर्षण सिर्जना गरेको र बुकिङमा समेत उल्लेख्य चाप देखिएको कम्पनीले जनाएको छ ।

सीमित अवधिका लागि घोषणा गरिएको विशेष अफर र नयाँ मोडलप्रतिको आकर्षणका कारण छोटो समयमै उच्च बुकिङ प्राप्त भएको कम्पनीको भनाइ छ ।

एमएडब्लू वृद्धिमोटर्सका अनुसार अब भिगो ई२ को मूल्य ३७ लाख ९९ हजार रुपैयाँ कायम गरिएको छ । यस मूल्यमा बुकिङ भने निरन्तर रहनेछ ।

एमएडब्लू वृद्धिमोटर्सका सीईओ प्रसन्न पन्तले सीमित अवधिका लागि घोषणा गरिएको विशेष अफर उच्च मागका कारण नाडा अटो शो २०२६ को पहिलो दिनमै समाप्त गर्नुपरेको बताए ।

उनले नेपाली उपभोक्ताले देखाएको विश्वास र मायाप्रति आभार व्यक्त गर्दै आगामी दिनमा पनि ग्राहकको आवश्यकता र अपेक्षाअनुसार नयाँ तथा थप प्रतिस्पर्धी उत्पादन उपलब्ध गराउँदै जाने प्रतिबद्धता जनाए ।

कम्पनीले भिगो ई२ प्रति नेपाली उपभोक्ताबाट प्राप्त प्रतिक्रिया अपेक्षाभन्दा उत्साहजनक रहेको जनाएको छ । सार्वजनिक भएको केही दिनमै प्राप्त उच्च बुकिङले नेपाली बजारमा उक्त एसयूभीप्रतिको आकर्षण स्पष्ट पारेको कम्पनीको दाबी छ ।

प्रकाशित समय : ०७:५६ बजे