काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

रसुवामा बाढीपछि उद्धार तीव्र, १५ हेलिकप्टर परिचालन

1.39K
shares

काठमाडौं । रसुवामा आएको बाढीबाट प्रभावितको उद्धारका लागि नेपाली सेना तथा निजी क्षेत्रका गरी १५ वटा हेलिकप्टर परिचालन गरिएको छ । नेपाली सेनाका ७ र निजी क्षेत्रका ८ वटा हेलिकप्टरमार्फत उद्धार कार्य जारी रहेको नेपाली सेनाले जनाएको छ ।

बाढी प्रभावित क्षेत्रमा नेपाली सेनाका हवाई साधनमार्फत हालसम्म ९७ जनाको उद्धार गरिएको छ । उद्धार कार्यलाई थप प्रभावकारी बनाउन हेलिकप्टरमार्फत प्रभावितहरूको खोज तथा उद्धार भइरहेको जनाइएको छ ।

उद्धार गरिएका घाइतेहरूको उपचारका लागि वीरेन्द्र अस्पतालबाट खटिएको मेडिकल टोलीले त्रिशूलीस्थित नं. १ सैन्य तालिम केन्द्रमा आपत्कालीन स्वास्थ्य सेवा प्रदान गरिरहेको छ ।

यसैबीच, विपद् व्यवस्थापनमा प्रयोग हुने फिल्ड अस्पतालको सेट सहित आवश्यक मेडिकल सामग्री, औषधि तथा स्वास्थ्य उपकरणहरू समेत त्रिशूलीतर्फ पठाउने व्यवस्था मिलाइएको नेपाली सेनाले जनाएको छ ।

बाढीबाट प्रभावित क्षेत्रमा उद्धार तथा राहत कार्यलाई थप व्यवस्थित बनाउँदै आवश्यकताअनुसार स्वास्थ्य उपचार र अन्य मानवीय सहायता उपलब्ध गराउने कार्य भइरहेको छ ।