जेनजी आन्दोलनका कारण बन्द रहेको सेयर बजार बुधबारदेखि खुल्ने भएको छ । देशमा देखिएको परिस्थितिका कारण लगानीकर्तामा देखिएको त्रासमा कारण बन्द गरिएको बजार बुधबारबाट खुल्ने भएको हो ।

परिस्थिति सहज भएकोले बुधबारबाट बजार खुलाउने तयारी गरिएको हो । भदौ २३ र २४ गतेको प्रदर्शनको कारण लगानीकर्ताको मनोबलमा गम्भीर असर पारिरहेको भन्दै सेयर लगानीकर्ता संघहरूले संयुक्त विज्ञप्ति जारी गरेर कारोबार रोक्न माग गरेका सेयर लगानीकर्ता संघ, नेपाल पुँजीबजार लगानीकर्ता संघ र स्वतन्त्र पुँजीबजार लगानीकर्ता संघले बजार बन्द गर्न माग गरेका थिए ।

धितोपत्र ऐनले बोर्डको निर्देशनमा बढीमा पाँच दिनलाई सेयर बजार बन्द गर्न सक्ने व्यवस्था गरेको छ । यसै आधारमा नेप्सेले भदौ २९ देखि असोज २ गतेसम्म कारोबार रोक्का गर्ने नयाँ निर्णय गरेको थियो ।

प्रकाशित समय : १७:५७ बजे