चीनको झुहाई सहरमा रंगशालाबाहिर रहेका भीडलाई कारले ठक्कर दिँदा कयौँ मानिस घाइते भएका छन् । घटना सोमबार साँझको भएको भन्दै बीबीसीले समाचार छापेको छ ।

प्रहरीले घटनास्थलबाट ६२ वर्षका फान थर गरेका एक पुरुष चालकलाई पक्राउ गरेका छन् । घाइतेहरूलाई नजिकैको अस्पताल लगिएको छ । झुहाईले नागरिक र सैन्य एयर सोको आयोजना गर्दैछ । यसैबिच सहरमा उच्च सुरक्षा हुँदा हुँदै यो घटना भएको छ ।

घटनाको भिडियोहरू सामाजिक सञ्जालमा पोस्ट भएका थिए । केही भिडियो हटाइसकेको भए पनि केही अझै अनलाइनमा छन् ।

घटनाको समयमा रंगशालामा कम्तीमा ६ वटा समूह उपस्थित रहेको एक प्रत्यक्षदर्शीले भनेका छन् । उनीहरू रंगशालालाई घुम्न निर्धारण गरिएको बाटोमा हिँडिरहेका थिए ।
घाइते हुनेमा वृद्धवृद्धा, किशोर–किशोरी र बालबालिकाहरू समेत रहेको बताइएको छ ।

प्रकाशित समय : १३:०८ बजे