कुर्स्क क्षेत्रमा रुसको ५० हजार सेना फसेको युक्रेनी राष्ट्रपति भोलोदिमिर जेलेन्स्कीले बताएका छन् । सो क्षेत्रमा अझै पनि आफ्नो सेनाको घुसपैठ चलिरहेको र त्यहाँ रुसको ५० हजार सेना भएको बताइएको छ ।

देशबासीको नाममा आफ्नो दैनिक सम्बोधनमा जेलेन्स्कीले यस्तो बताएका हुन् । आफ्नो सेनाको पकडका कारण सो संख्याका रुसी सेना फसिरहेको र युक्रेनमा आक्रमण गर्न सक्ने रुसको क्षमता सीमित भएको पनि उनले बताए ।

अगष्टको शुरुमा युक्रेनले घुसपैठ शुरु गर्दा कुस्र्क क्षेत्रमा रुसको ११ हजार सेना रहेको अमेरिकी गैर नाफामुलक संस्था इन्ष्टिच्यूट फर द स्टडी अफ वारले भनेको थियो । तर रुसले युक्रेनमा खटाइएका सेनालाई फिर्ता नबोलाइकनै कस्र्कमा सैन्य उपस्थिति बनाएको न्यूयोर्क टाइम्सले एउटा समाचार छापेको थियो ।एजेन्सी

प्रकाशित समय : १३:०२ बजे