तिहारले आपसी सद्भाव र समृद्धिको भावना अभिवृद्धि गर्छ: राष्ट्रपति पौडेल
सर्लाहीमा कर्फ्यु हट्यो, ७२ घण्टासम्म भेला वा आमसभा गर्न निषेध
वि.सं.२०८० भदौ २४ आइतवार ११:०१
5.06K
shares
shares
सर्लाहीको सदरमुकाम मलंगवामा लगाइएको कर्फ्यु हटेको छ । कर्फ्यु हटेपनि ७२ घण्टासम्म कुनैपनि किसिमका भेला, आमसभा गर्न भने रोक लगाइएको जिल्ला प्रशासन कार्यालयले जनाएको छ ।
कृष्ण जन्माष्टमीको मूर्ति बिसर्जन गर्ने क्रममा दुई पक्षबीच झडप भएपछि प्रशासनले शनिबार कर्फ्यु जारी गरेको थियो। हिजो दिउँसो ४ बजेदेखि जारी कर्फ्यु आज बिहान ८ बजे हटेको हो । निशेषाज्ञा हटेसँगै जनजीवन सामान्य बन्दै गएको छ । यातायात सेवासमेत सुचारु हुँदै गएको छ ।
शुक्रबार कृष्ण जन्माष्टमीको मूर्ति बिसर्जन गरेर फर्किने क्रममा मलंगवामा दुई समुदायबीच झडप र ढुंगामुढा भएको थियो । त्यसक्रममा स्थिति नियन्त्रणमा लिन प्रहरीले १६ सेल अश्रुग्यास र एक राउण्ड हवाइ फायर गरेको थियो ।
शनिबार पनि बिहानैदेखि मलंगवामा प्रदर्शन र ढुंगामुढा हुन थालेपछि स्थानीय प्रशासनले सर्वपक्षीय भेला बोलाएर सद्भाव कायम राख्न अपिल गरेको थियो ।
प्रशासनको अपिल पछि पनि प्रदर्शन नरोकिएपछि कर्फ्यु जारी गरिएको थियो ।
