निरन्तर बर्षाका कारण इटहरी उपमहानगरपालिका जलमग्न भएको छ । जलमग्न भएको कारण आज एक दिन इटहरी क्षेत्रका सबै विद्यालयहरु बन्द गर्ने निर्णय इटहरी पालिकाले गरेको छ ।
महानगरले एक सूचना निकल्दै उपमहानगरपालिका भित्रको सबै बिधालय बन्द गर्ने निर्णय गरेको हो ।

बर्षाका कारण धेरै वडाहरु जलमग्न भएको र विद्यालय अध्ययन गर्ने विद्यार्थीहरुमा त्रास बढेकाले उनीहरुको मनोवैज्ञानिक रुपमा असर नपरोस र कुनै अप्रिय घटनामा हुन नदिनका लागि यस्तो निर्णय गरेको उपमहानगरपालिकाका मेयर हेमकर्ण पौडेलले न्युज कारोबारसँग बताए ।

इटहरीको डुवान समस्या पहिलादेखिकै भएकाले २०८० सालभित्रमा यसको दीर्घकालिन समाधानका लागि उपाहानगरले कार्य गर्ने पौडेलको दाबी छ । विपत व्यवस्थापनमा इटहरी उपमहानगर गम्भिर भएर अघि बढेको जनाउँदै इटहरी नगरवासी सबै मिलेर विपद्बबाट आफु र अरुलाई जोगाउनु पर्ने पौडेलको भनाई छ ।
इटहरीको सहरी स्मृतिमा सबैभन्दा धेरैले ज्यान गुमाएको बिपत २०७४ साउन २७ को मध्यरात हो । इटहरी र सुन्दरहरैँचाको सिमा खोला बुढिखोलामा आएको बाढीमा ६ जनाले ज्यान गुमाएका थिए ।

त्यो घटनाको ठीक चार वर्षपछि फेरि इटहरीमा २०७८ कार्तिकमा निरन्तरको वर्षाले ल्याएको बाढि र डुबानका कारण इटहरीमा तीन जनाले ज्यान गुमाएका थिए ।

इटहरीलाई बर्साको समयमा बाढी र इटहरी क्षेत्र जलमग्न हुने हुदा लाखौंको धन जनको क्षती हुने गरेको छ । इटहरीमा खोला पैनी मिचिनु, पैनीलाई ड्रेन बनाउनु र ड्रेनको उचित व्यवस्थापन नहुदा यहाँ बाढीले सर्वसाधारणलाई दुख दिने गरेको छ ।

प्रकाशित समय : १२:०८ बजे