मेरो भ्वाइस युनिभर्सको टप १२ मा ‘हे बरै’ बोलको गित गाएर जजहरुको मन जित्न सफल भएका शरद हुँमागाइँले सर्वाधिक भोट प्राप्त गरि टप १० मा आफ्नो स्थान बनाएका छन् ।

बुधवारदेखि आइतबार दिउँसो २ बजेसम्म १२ जना प्रतियोगिहरुले पाएको भोट मध्य सर्वाधिक भोट शरदले पाएका थिए । अबको चरण झन जटिल र प्रतिस्पर्धात्मक हुनेछ । जहाँ शरदको आवाजले मात्रै पुग्ने छैन । जनताको साथ र भोटको पनि त्यतिनै आवश्यक पर्नेछ ।

काभ्रे जिल्लाको प्रतिनिधित्व गरेका शरदलाई काभ्रेबाट निर्वाचित जनप्रतिनिधिहरुले एकजुट भइ साथ दिँदै आफ्नो फेसबुकमार्फत भोट हाल्न अपिलसमेत गरिरहेका छन् । अबको चरणलाई सहजताको लागि ‘शरद हुँमागाइँ जिताउ अभियान’ सञ्चालन गर्ने उनका समर्थकले जनाएका छन् ।

परिवार आफन्तजन, स्थानिय संघ सस्थाबाट पनि अभियानको तयारी भइरहेको छ । शरद टप १० मा पुग्नु कुशादेवी बासिको ठूलो गर्वको कुरा त थियो नै त्यसमा पनि लिडर बोर्डको शिर्ष १ मा पर्नुलाई निकै ठूलो सफलता मानिएको छ । आइतबार दिउँसो २ बजेसम्म my intra एपमार्फत शरद हुँमागाइँलाई भोट गरि अगाडिको चरणमा प्रवेश गराउन सबैको साथ पाउने कुरामा उनका समर्थक ढुक्क छन् ।

प्रकाशित समय : ०८:२० बजे