‘हामी नेपाली’ नेपालको आयोजनामा विगु गाउँपालिकाको सहकार्यमा घरेलु तथा लैङ्गिक हिंसा सम्बन्धी कानूनी जनचेतना कार्यक्रम सम्पन्न भएको छ । हामी नेपाली संस्थाले कार्यक्रममा कानुनी तथा मनोसामाजिक परामर्शसम्बन्धी कार्यक्रम समेत गरेको छ ।

दोलखाको विगु गाउँपालिकाको वडा नं.१ लामबगर र ६ अल्मपोमा घरेलु तथा लैङ्गिक हिंसा सम्बन्धी कानूनी जनचेतना कार्यक्रम गरेको हामी नेपाली संस्थाकी अध्यक्ष उमा तामाङ के.सीले जानकारी दिइन । कार्यक्रममा कानुनी परामर्श, घरेलुहिंसाबाट महिलालाई बेच्नेसँग कानुनीसम्बन्धी जानकारी र मनोसामाजिक परामर्शसम्बन्धी कार्यक्रम समेत गरेको उनले बताइन् ।

साथै, वडा नं १ को खोपाचागुका अध्यक्ष हिरा थामीको प्रमुख आतिथ्यतामा कार्यक्रम सम्पन्न भएको हामी नेपाली जनाएको छ । कार्यक्रममा प्रमुख अतिथि थामीले यस्तो कार्यक्रमलाई प्राथमिकता दिनुपर्ने भनाइ रहेको थिए ।

त्यसैगरी कार्यक्रममा महिला दिदीबहिनीहरुले उत्सुकताका साथ सहभागी भई कार्यक्रम सम्पन्न गराउन सहयोग गरेकोमा विगु गाउँपालिकाको प्रमुख संजीव वली लगायत सम्पूर्ण कर्मचारीहरुलाई हामी नेपाली संस्थालाई धन्यवाद समेत दिएका दिए ।

कार्यक्रममा हामी नेपाली नेपालको अध्यक्ष उमा तामाङ के.सी, महासचिव मनिष चौधरी, कौशिला राई र दोलखाको विगु गाउँपालिकाको वडा नं. १ लामबगर र वडा नं ८ अल्मपोका जनप्रतिनिधि सहभागी थिए ।

यसैगरी, दुई दिने कार्यक्रममा महिलाहरुको उल्लेखनिय सहभागिता रहेको विगु गाउँपालिका प्रमुख संजिव वलीले बताएका थिए । भने, महिला सशक्तिकरणको लागी यस्तो कार्यक्रमहरुको आवश्यकता रहेको विगु गाउँपालिका वडा नं  १ लामबगरका वडा अध्यक्ष रामचन्द्र खड्का बताएका थिए ।

अहिलको अवस्थामा कतिपय महिला कानुनको अज्ञानता, महिला हिंसा र योसँग सम्बन्धीत समस्यमा पीडित हुने गरेको संस्थाकी अधयक्ष तामाङले बताइन् । विभिन्न कारण महिला हिंसामा पर्ने गरेको र योसँग सम्बन्धीत कार्यक्रम आवश्यक रहेको उनको भनाइ छ ।

कार्यक्रम जेठ २६ र  २७ गते सञ्चालन भएको थियो । कार्यक्रममा दुई वडाका गरी  १ सयभन्दा धेरै महिला सहभागि भएको थिए । उक्त कार्यक्रममा वरिष्ठ समाजसेवी तथा हामी नेपाली नेपालको कोषाध्यक्ष जुना पछाईको समेत उपस्थिति रहेको थियो ।

प्रकाशित समय : ११:१८ बजे