हाम्रो शरीरमा देखिने कतिपय समस्या र रोगलाई सही खानपिनले नै निदान गर्छ । यस्तै कतिपय रोग र समस्या पनि हामीले गरेकै गलत खानपिन र सही जीवनशैली नअपनाउँदा नै हुने गर्छ ।

महिनावारीको अवस्थामा हुने सामान्य समस्या भनेको ढाड, पेट, शरीर दुख्ने चिडचिडापन हुने मात्र नभई कसैलाई त रिँगटा चल्ने बान्ता हुने समस्या समेत हुने गर्छ । यो बेला महिलाहरुका लागि निकै संवेदनशील समय मानिन्छ ।

महिनावारीमा गडबडी आयो या महिनावारी भएको समयमा शरीरमा समस्या आयो भने खानपिनमा परिवर्तन गरेर पनि यसलाई केही हदसम्म सामान्य अवस्थामा ल्याउन सकिने पोषणविद् मिरा शाह बताउछिन् ।

महिनावारीको समयमा धेरेलाई दुखाई कम गर्ने औषधी नखाई हिँडडुल गर्नै नसक्ने समस्या समेत हुन्छ । त्यही कारणले महिनावारीको अवस्थामा कस्ता खानेकुरा खान हुन्छ र कस्ता खानु हुँदैन भन्नेबारे पनि धेरैलाई अन्योल हुने गरेको छ ।

शाहका अनुुसार महिनावारीको समयमा फलफूल र पातदार तरकारीहरू सहित केही खानेकुराहरू खाँदा लक्षणहरू कम हुन सक्छ जबकि अन्य, जस्तै मसालेदार खाना र रातो मासुले तिनीहरूलाई थप गम्भीर बनाउन सक्छ ।

महिनावारी हुँदा कस्ता खानेकुरा खाने ?

१. पानी : धेरै पानी पिउनु सधैं महत्वपूर्ण छ । यो विशेष गरी महिनावारी को समयमा टाउको दुख्न कम गर्छ ।

२. फलफुल : खरबु्जा र काक्रो जस्ता पानीयुक्त फलफूलहरू हाइड्रेटेड रहनका लागि उत्कृष्ट हुन्छन् ।

३. हरियो तरकारी : महिनावारीको समयमो थकान, शारीरिक दुखाइ, र चक्कर आउन सक्छ । हरियो तरकारी पालकमा म्याग्नेसियम प्रशस्त हुन्छ ।

४. अदुवा : अदुवालाई चिया या तातो पानीमा खानाले महिनावारीका केही लक्षणहरूलाई सुधार गर्न सक्छ । अदुवामा एन्टी–इन्फ्लेमेटरी प्रभाव हुन्छ, जसले दुख्ने मांसपेशीहरूलाई शान्त पार्न सक्छ । अदुवाले वाकवाकी कम गर्न सक्छ । तर धेरै अदुवा उपभोग गर्नु हुदैन त्यसले पेटमा जलन र पेट दुख्न सक्छ ।

५ डार्क चकलेट : महिनावारीको समयमा दैनिक ४० ग्राम डार्क चकलेट खाँदा दुखाइ कम गर्न मद्दत गर्न सक्छ । डार्क चकलेटमा म्याग्नेसियम प्रशस्त पाइन्छ, जसले मांसपेशीलाई आराम र दुखाइ कम गर्न सक्छ ।

प्रकाशित समय : १९:४६ बजे