तनहुँको बन्दिपुर गाउँपालिका–१ नाहालास्थित पृथ्वी राजमार्गमा यात्रुवाहक सवारी शनिबार दिउँसो दुर्घटना हुँदा चालकसहित १२ जना घाइते भएका छन् ।

पृथ्वी राजमार्ग सडक खण्ड अन्तर्गत दमौलीबाट डुम्रेतर्फ जाँदै गरेको वाग्मती प्रदेश ०६–००१ ज ००१७ नम्बरको फोर्स गाडी अचानक अनियन्त्रित भई सडकको बायाँतर्फ भित्तामा ठक्कर खाएर दुर्घटना भएको जिल्ला प्रहरीले जनाएको छ ।

दुर्घटनामा घाइते भएकाहरुको उद्धार गरी दमौलीस्थित रत्नहरी मेमोरियल अस्पताल, डुम्रेको मोती मेडिकल हलमा उपचारका लागि पठाइएको प्रहरी नायव उपरीक्षक मोहन बहादुर खाँणले बताए ।

उनले भने, ‘प्राथमिक उपचारपछि थप उपचारका लागि ७ जना यात्रुलाई वीर अस्पतालको ट्रमा सेन्टर काठमाडौं, ४ जना यात्रुहरुलाई मणिपाल शिक्षण अस्पताल पोखरा पठाइएको छ । चालक सामान्य घाइते भएका छन् ।’

प्रकाशित समय : ०७:२५ बजे