भक्तपुरमा मोवाइलसँगै इन्टरनेट, टेलिभिजनहरु, टिकटकहरुको दुरुपयोगले बालबालिकाहरुमा परेको नकारात्मक प्रभावबारे सडक नाटक देखाइने भएको छ । भक्तपुरको सल्लाघारी दुवाकोटस्थित गोल्डेन सुनगाभा इगलिश स्कुलको २५ औ वार्षिकोत्सवको अवसरमा स्कुल आसपासका चार वटा चोकहरुमा यसबारे नाटक देखाइने भएको हो ।

स्कुलले वार्षिकोत्सवकोबारेमा जानकारी दिन शुक्रबार गरेको पत्रकार सम्मेलनमा स्कुल व्यवस्थापन समितिका अध्यक्ष लीलानाथ निरौलाले मोबाइल, इन्टरनेट, टिभीको दुरुपयोग नगर्न जनचेतना जगाउने उद्देश्यले कार्यक्रम गर्न लागेको जनाए । कार्यक्रम स्कुलको वार्षिकोत्सवको क्रममा फागुन १० गते हुने जनाए । स्कुल वरिपरिको निकोसेरा, बेंसी, मंगलबजार चोक र सल्लाघारी दुवकोट

चोकमा गरी चार ठाउँंमा नाटक देखाइने उनले जनाए । नाटक २० मिनेटको रुहेको जनाइएको छ । एउटै टोलीले एकैतीन फरकफरक समयमा चार वटै चोकमा नाटक प्रस्तुत गरिने जनाइएको छ ।
सम्मेलनका स्कुलका प्रिन्सिपल महेशचन्द्र गौतमले वार्षिकोत्सव कार्यक्रम फागुन ७ गतेदेखि १३ गतेसम्म हुने जनाए ।

प्रकाशित समय : १६:३१ बजे